平日工作面對沉重嘅壓力，到咗夜晚仍然難以入睡係唔少都市人嘅寫照。韓國女星IU亦都有嚴重失眠問題，更係需要每星期見醫生接受治療。一直受到失眠困擾嘅佢就發明咗一套入眠法，同樣受失眠問題困擾嘅話，不妨試下IU嘅入眠法呀！
明星平日行程緊湊，基本上得好少時間休息，而IU自20歲起就已經患有失眠症，情況更嚴重至工作一日後，返到屋企一個鐘都無辦法入眠！IU喺節目《對話的喜悅》中曾就着失眠作分享，並提出一個獨創嘅入睡方式！
而呢個方法並唔復雜，人人都可以做到。着先平躺喺床上，閉眼後就幻想一個影像，但就要係一個簡單圖像，例如桃咁樣。然後，就當自己係一個攝影機咁樣，幻想由多角度去觀察影像，360度無死角地望住個桃，並將其放大至睇到紋理、再縮細。IU表示只要多次來回地幻想，好快就會出現睡意，並得以入眠。
假如大家都備受失眠問題困擾的話，可以嘗試下運用呢款幻想式入眠。祝大家日日都可以有個好夢！
Tags: Homita愛健康
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
